Armando Sadiku ka nënshkruar një kontratë trevjeçare me klubin e Legias së Varshavës. Në intervistën e tij të parë për faqen zyrtare të Legias si futbollist i klubit polak ai tha, “Unë dua të jap gjithçka për këtë skuadër dhe të fitoj në sezonin e ardhshëm çdo trofe të mundshëm”.
INTERVISTA:
Si ndjeheni pas kontratës së firmosur me Legian?
Shumë mirë. Jam i lumtur që jam lidhur me një klub kaq të madh. Ky është një hap i mirë në karrierën time.
Çfarë synoni të arrini me Legian në sezonin e ri?
Unë shpresoj që të kualifikohemi në fazën në grupe të Ligës së Kampioneve. Jam gati të ndihmoj skuadrën, të filloj të stërvitem dhe të jap 100%. Unë dua të fitoj gjithçka, çdo ndeshje të mundshme. Po nuk di të them nëse kjo përfshin edhe Ligën e Kampioneve (qesh). Mendoj se mund të arrijmë suksesin si në kampionat, ashtu edhe në Kupë.
Në internet lexohen informacione të ndryshme për kontratën tuaj me Zyrihun. Si është e vërteta?
Kisha kontratë edhe për një tjetër sezon, por Legia më bleu nga Zyrihu. Tani jam këtu dhe jam i lumtur.
Çfarë doni t’u thoni si fillim tifozëve të Legias?
Kam dëgjuar nga të gjithë se tifozët në Varshavë janë të çmendur! Jam i lumtur që do të jem përpara një audience të tillë në stadium. Pres me padurim debutimin.
