Gazetarja dhe moderatorja e njohur Rudina Xhunga ka rrëfyer disa nga momentet më të vështira të 20 viteve karrierë në televizion. Xhunga fillimet e saj i ka patur në Top Channel ku iu besua një emision politik, nga më të ndjekurit vite më parë.
Gazetarja e quan kohë të artë të karrierës së saj vitet që ajo ka qenë në Top Channel, në kohën kur drejtonte “Shqip” por pa diskutim që ka patur edhe momente të vështira.
Një prej tyre ka qenë edhe koha kur asaj iu ndryshua orari i transmetimit. Vite më parë ajo ka qenë në transmetim mbrëmjen e së enjtes por me ardhjen në Top Channel të Sokol Ballës Rudinës iu tha se gjërat do të ndryshonin. E ftuar në emisionin “Thumb” të Aulona Mustës dhe Fatma Haxhialiut, Rudina ka rrëfyer pikërisht për këtë moment.
“Moment i vështirë, ka qenë në Top Channel pas 4 vitesh në punë, kur kishte ardhur Sokol Balla drejtor i lajmeve dhe kërkonte një emision poltik dhe gjithmonë fliste me Tan Hoxhën, donte të enjten sepse ishte dita e burrave, e Blendit. Arriti t’ja mbushte mendjen. Na thirrën në një mbledhje dhe më thonë nuk ka ”Larry Kinge” në këtë botë, ti je grua dhe ky burri do përballojë Blendin.
Dola nga dera, bëra të zbrisja dhe rashë nga shkallët. Nuk e binda dot Tanin , ai ishte pari që më gjeti dhe po kërkonte ujë sepse e përjetova. Koli filloi të enjten unë të hënën po I kisha të dy konkurrentë si atë si Blendin ndaj ka qenë kohë e artë për mua. Megjithatë sot e enjtja, “Dita e burrave” sipas sondazheve është dita pa publik.”,- ka rrëfyer Rudina.
