Shtatëmbëdhjetë persona kanë humbur jetën, pasi varka me të cilën po lundronin u rrokullis ndërsa po ushtroheshin për festivalin që organizohet në pjesën jugore të Kinës.
Në videon amatore të filmuar në qytetin Guilin, një grup burrash shiheshin duke lundruar me një varkë para se varka të ngecte dhe të rrokullisej.
Dhe në momentin që një varkë tjetër afrohet që t’ju ndihmojë, edhe ata e pësojnë. Raportohet se në total 60 persona bien në ujë dhe për shpëtimin e tyre janë angazhuar më shumë se 80 zjarrfikës.
Mediat kineze raportojnë se 17 prej tyre kanë humbur jetën, pasi nuk i kanë mbijetuar rrymave të krijuara brenda ujit.
