Një aksident ajror ka ndodhur në Larisë të Greqisë mbrëmjen e djeshme, duke shkaktuar dy viktima.
Mediat greke raportojnë se kanë humbur jetën pronari i avionit, një 43-vjeçar grek i njohur si sipërmarrës në fushën e marketingut dhe të shpërndarjes së kafes dhe piloti 34-vjeçar.
Alarmi për zhdukjen e avionit u dha rreth orës 21:00 me orën lokale, pasi mjeti fluturues duhej të ishte ulur në aeroportin e Terpsitheas në orën 20:30.
Kanë qenë banorët e zonës ata që kanë njoftuar për aksidentin tragjik, ndërsa shkaqet e rrëzimit janë ende të paqarta.
Viktimat ishin miq prej kohësh me njëri-tjetrin, ndërsa trupat e pajetë të tyre janë dërguar në morg për t’iu nënshtruar ekspertizës.
