Një burrë është bërë për spital nga kalimtarët e rastit, ndërsa ishte duke rrahur në mes të rrugës ish-gruan e tij. Ngjarja, e cila ka ndodhur në Stamboll të Turqisë është filmuar nga kamerat e bizneseve aty pranë.
Në video duket një burrë që rreh ish-gruan e tij me një letër të mbështjellë si shufër. Ndërsa nga pas vjen një kalimtar i rastit i cili e godet duke u hedhur mbi të.
Pamjet tronditëse tregojnë personin që godet në kokë pa pushim ish-gruan e tij, e cila është krejt e pambrojtur në atë çast dhe kërkon ndihmë.
Por, menjëherë një kalimtar i rastit shtrin burrin përtokë dhe e mbërthejnë bashkë me kalimtarët e tjerë duke e goditur autorin.
“Një burrë po rrihte ish-gruan e tij. Ajo qante dhe bërtiste. Pastaj një kalimtar e shtroi përktokë, u shpreh një dëshmitar.
Një tjetër tha: “Ishte e tmerrshme. Gruaja bërtiste. Ajo përpiqej të mbronte veten. Është e papranueshme dhuna që po ushtronte mbi të”, shkruan Daily Mail.
Dhuna ndaj ish-gruas mendohet se filloi pas seancës gjyqësore në Gjykatën e Drejtësisë së Stambollit mbi divorcin e tyre, raportojnë mediat lokale. Pas transmetimit të pamjeve, burri i quajtur Mehmet T. u arrestua nga policia e Stambollit.
PËRSHTATI TIRANA TODAY
