I ri, por i rrezikshëm. Bëhet fjalë për një të ri i cili ka rënë në pranga të policisë italiane. Ai është, Antonino Pesce, bosi 26-vjeçar i klanit “Pesce”, njeriu i fundit i spikatur i mafies kalabreze “Ndrangheta”. Kjo pasi bosët e tjerë kishin përfunduar më parë pas hekurave.
Klani i “Pesce”, është pa dyshim ndër më të fuqishmit ekzistues të “Ndraghetas”, me interesa që shkonin përtej jugut të vendit, duke kaluar edhe kufijtë e Italisë.
Sipas autoriteteve italiane, gama e aktiviteteve të klanit përfshin trafikun e drogës, kontrollin e portit, zhvatje, dhe tregun bujqësor, sidomos atë të agrumeve.
