Avioni i transportit ushtarak C-17 Globemaster III sapo kishte zbritur në Kabul, kur u bllokua nga qindra afganë. Një turmë e madhe mund të shihet duke vrapuar pranë aeroplanit me lëvizje të ngadaltë.
Insane. Don’t have any other words.
The Kabul Airport.
— Ragıp Soylu (@ragipsoylu) August 16, 2021
Ishte mesi i gushtit dhe talebanët sapo kishin marrë kontrollin e vendit. Shumë civilë ishin mbledhur në aeroport. Ishte një skenë që kapi dëshpërimin e afganëve dhe fundin kaotik të luftës amerikane në Afganistan.
Aeroplani amerikan u ngrit lart. Të paktën dy të rinj afganë u panë duke rënë nga lartësia, pasi avioni ishte tashmë në ajër. Skena dramatike dhe tronditëse në aeroportin e Kabulit u kap në video – përfshirë një selfie – të shpërndarë gjerësisht në internet, por ende nuk dihet sa vdiqën duke ndjekur aeroplanin ushtarak amerikan. Më shumë se një muaj më vonë, shumë nga ajo që ndodhi atë ditë mbetet e paqartë, por të paktën një familje po kërkon drejtësi.
Në mesin e të vdekurve është 24-vjeçari Fida Mohammed, një stomatolog i cili u pa për herë të fundit duke u kapur pas avionit. Babai i tij është i pikëlluar dhe i hutuar për atë që po bënte djali i tij.
Babai thotë se Muhamedi ishte djali i tij i madh, dhe ai dëshiron drejtësi nga SHBA-ja.
Zaki Anwari ishte gjithashtu në mesin e të vdekurve. Një yll premtues në ekipin kombëtar të futbollit të të rinjve në Afganistan, Anwari u rrëzua nga avioni, pasi u kap nën rrota.
Vëllai i tij kujton që Zaki telefononte për të thënë se ishte pranë aeroplanit. Dhe pastaj një telefonatë tjetër, 15 minuta më vonë. Ishte dikush tjetër që përdorte telefonin e Zakit, duke telefonuar për të thënë se vëllai i tij kishte vdekur.
C-17 u konfiskua dhe një hetim është duke u zhvilluar, por rezultatet e plota ende nuk janë publikuar.
Burimi i lajmit: ctvnews. Përshtatur nga Tirana Today
