Është arrestuar nga policia Kliti Leka, autori i vrasjes së biznesmenit Niko Goro disa orë pas ngjarjes së ndodhur mëngjesin e së shtunës në Himarë.
Videoja që tregon momentin kur policia ka arrestuar autorin e vrasjes është publikuar në media.
Sikurse është informuar deri në këto momente, shkak i ngjarjes ka qenë një borxh që viktima i detyrohej autorit, pas një ndërtimi që biznesmeni kishte bërë në tokën e Kliti Lekës. Mësohet se edhe më parë, mes autorit dhe viktimës kishte patur përplasje fizike.
Policia arrestoi 53-vjeçarin në zonën e Livadhit në Himarë dhe sekuestroi një kallashnikov, i dyshuar si arma e krimit.
