Një 44-vjeçar brazilian është goditur nga rrufeja teksa me telefonin e tij po filmonte stuhinë që kishte përfshirë vendin.
Ngjarja ka ndodhur në qytetin Minduri, ku Jose Omar de Oliveira, bashkë me një shokun e tij, po filmonte dhe po komentonte motin në të njëjtën kohë, shkruan Daily Mail.
“Doja të bëja një video për të treguar sa i madhërishëm është Zoti dhe për të treguar fuqinë e forcave natyrore,” tha ai.
Por, në video shihet një moment ku personi në fjalë goditet nga rrufeja dhe duke bërtitur rrëzohet në tokë.
Braziliani mori një goditje të lehtë, teksa për mediat lokale tha se celulari e tërhoqi atë rrufe.
