Jacques Lacrois është pezulluar nga detyra e priftit, pasi në një video të publikuar në internet ku ai shihet duke e qëlluar një fëmijë që qante gjatë pagëzimit u bë shumë e famshme.
Prifti 89-vjeçar ka kërkuar falje i turpëruar, ndërsa ka thënë më kurrë nuk do të pagëzojë ndonjë fëmijë.
Veprimin që e kreu në një kishë që ndodhet në periferi të Parisit, ai e mbrojti veprimin e tij duke thënë se ishte në mes të ‘përkëdheljes dhe flakareshës’.
“Provova ta qetësoja, sepse më duhej t’ia ulja kokën për t’ia zbrazur ujin e bekuar. Unë po ia mbaja faqen, kur humba kontrollin dhe e godita. Mund ta kem lënduar, kërkoj falje dhe uroj të jetë mirë. Ky ishte pagëzimi im u fundit, sepse po e ndej që më duhet të tërhiqem”, ka thënë Lacrois për një radio lokale.
Por, kjo nuk i ka mjaftuar zyrtarëve kishtarë, që e pezulluan dhe nuk i lejojnë të pagëzojë, apo të martojë çifte.
Veprimin e tij e kanë falur prindërit dhe këshilli i kishës, por mosha që ka dhe ngathtësia në veprim, bëri që atij t’i hiqet detyra që ushtronte, por i lejohet ligjërimi në mesha.
