Një moment të sikletshëm mund të themi kanë kaluar të gjithë demokratët e pranishëm në Këshillin Kombëtar të PD-së. Ka qenë pikërisht momenti kur ka marrë fjalën pedagogu Rezart Prifti, njëherazi kandidat në Këshillin Kombëtar të kësaj partie.
Me të nisur fjalën ai ka leshur një lumë kritikash në drejtim të demokratëve. “Besoj në taksa të ulëta, besoj të qytetaria. Jam këtu sepse besoj se duhet t’i veshim rrobat atdheut se është lakuriq. E treta dëgjuam këtu lloj-lloj fjalimesh të përgatitura, për hënën, jo për njerëzit në shesh në rrethe, janë fjalë shumë të drunjta që nuk shkojnë në veshin jo më shpirtin e njeriut”, tha Prifti por vetëm kaq mundi të thotë pasi PD i hoqi audion dhe asgjë më nuk u dëgjua. Ndonëse mundohet të tregojë të kundërtën, PD vërtetoi edhe njëherë me këtë gjest se nuk është e hapur ndaj kritikave.
