Peshku “pa fytyrë” i cili nuk ishte parë që prej më shumë se një shekulli është shfaqur sërish para dy ditësh.
Nga raportimet e medieve ndërkombëtare, thuhet se shkencëtarët në Australi kanë gjetur një të tillë ndërsa eksploronin thellësitë e një humnere të madhe nënujore.
Sipas tyre ky zbulim është bërë në bregun lindor të Australisë, së bashku me sasi të jashtëzakonshme mbeturinash me të cilat po punohet akoma për të gjetur material të tjera që mund të nxjerrin në dritë gjera nga e kaluara.
Peshku ka një gjatësi prej 40 centimetrash dhe u rizbulua rreth 4 kilometra nën sipërfaqen e detit në ujërat e Sidnejit nga një ekip shkencëtarësh të disa universiteteve dhe qendrave kërkimore.
Shefi i ekipit, Dr Tim O’Hara, tha se kjo është hera e parë që peshku në fjalë shihet në ujërat e Australisë që prej vitit 1873, kur një i tillë u nxor nga uji nga një anije britanike në afërsi të Papua, Guinea e Re.
https://www.youtube.com/watch?v=PVBQhSV_RZM
