Jep dorëheqjen zyrtari i lartë i shërbimit civil në Ministrinë e Financave të Japonisë, pasi i vu në qendër të akuzave se kishte ngacmuar seksualisht disa gazetarë femra.
Në një konferencë shtypi, zyrtari, Junichi Fukuda, 58 vjeç, zëvendësministri i administratës, tha se akuzat ndaj tij nuk ishin të vërteta.
Megjithatë, dorëheqja e Fukuda, e cila u pranua nga ministri i Financave Taro Aso, ishte një shenjë e vogël që Japonia mund të bashkohej me nismën ndërkombëtare të lëvizjes #MeToo, të nxitur nga akuzat e përhapura për ngacmimet dhe sulmet seksuale.
Dy ditë më parë, Fukuda kërcënoi të padisë revistën Shukan Shincho, e cila fillimisht i raportoi akuzat, duke dhënë detaje dhe përgjime se ai kishte avancuar ndaj gazetareve, duke i kërkuar t’u prekte gjoksin.
Të mërkurën, ai deklaroi se “Unë do ta kundërshtoj atë në gjykatë”. Fukuda dha dorëheqjen në të njëjtën ditë kur Ryuichi Yoneyama, guvernatori i Niigatës, në bregun perëndimor të Japonisë, tha se do të jepte dorëheqjen për atë që ai e quajti një “problem me gratë.”
Një rast të ngjashëm e cila bujë në mediat shqiptare ka qene dhe ai i ministrit të Kulturës Ylli Pango.
Ish-ministri Pango ra pre e një investigimi të bërë nga ‘Fik Fare’ në vitin 2009, gjë që i kushtoi shumë aq sa dha dorëheqjen menjëherë pas skandalit.
Ylli Pango u tërhoq përfundimisht nga politika pas skandalit.
https://www.youtube.com/watch?v=shgpp2Tk2ao
