Kryeministri Edi Rama në një dalje për media, nga Bullgaria i ka bërë ftesë opozitës për një pakt kombëtar për evropian. Rama si fillim është shprehur se duke qenë se Bullgaria merr Presidencën e BE-së, ky është një lajm i mirë për vendin tonë pasi zyrtarët e lartë të shtetit bullgarë kanë dhënë mbështetjen e tyre për çeljen e negociatave të Shqipërisë me BE-në.
“Së pari është e rëndësishme që Bullgaria merr Presidencën e BE-së, dhe se 6 muajt e ardhshme janë vendimtarë për hapjen e negociatave për Shqipërinë. Ne kemi presidencën bullgare, dhe kryeministri bullgar është i përfshirë tërësisht i përkushtuar që ti japi një shtysë të rëndësishme nga ana e presidencës BE-së në këtë 6-mujor, një mbështetje të fortë kandidaturë së Shqipërisë për çeljen e negociatave. Vazhdon procesi i bashkëveprimit për projektet në infrastrukturë, në energji, në infrastrukturën dixhitale si pjesë e Procesit të Berlinit, por edhe si një pjesëmarrje gjithmonë e më shumë intensive e vendeve të Ballkanit Perëndimor, në ndërveprimin me Bankën Botërore dhe Komisionin Evropian”- tha Rama.
Ndërsa nga atje pasi Basha i refuzoi ftesën për të zgjedhur bashkarish Prokurorin e Përgjithshëm, Rama sërish i ka bërë ftesë kryedemokratit për një pakt kombëtar Evropian.
“Ftesa ime është për një pakt kombëtarë për Evropian, në funksion të çeljes së negociatave si një stacion i Shqipërisë dhe jo i qeverisë dhe për ta shfrytëzuar këtë çështje të Prokurorit të Përgjithshëm si një pikënisje të rëndësishme duke u nisur nga fakti se pavarësisht se ne kemi mundësinë Kushtetuese të një zgjedhje me shumicë të thjeshtë, të krijojmë kushtet që të kemi një zgjedhje të mirëkuptuar më opozitën dhe nga ana tjetër që opozita të përfshihet në plotësisht në procesin e mbështetjes së Shqipërisë për të çelur negociatat. Unë kam për borxh që të bëj deri në fund atë që më takon, dhe sigurisht pastaj borxhet që opozita i ka vendit janë borxhe që opozita vetë duhet ti konsiderojë dhe t’i trajtojë si të tilla”- përfundoi fjalën e tij Rama. Tirana Today
