Çudirat shqiptare gjithmonë tërheqin vëmendjen dhe janë të mirëpritura. Me modifikimet që bëjmë tregojmë së jemi një popull kreativ, me imagjinatë dhe vullnet për të bërë diçka ndryshe. Në bregdetin e Himarës dy vitet e fundit është parë diçka e veçantë, një skaf fluturues. Me sa duket në Shqipëri meqenëse shteti i ka ndaluar skafet të lundrojnë në det atëherë dikush për të mos shkelur ligjin ka vendosur që të fluturojë me skafin e tij. Pushuesit paguajnë nga 50 deri në 60 euro për një xhiro të shkurtër.
Një 34-vjeçar nga Vlora dhe një Italian kanë vendosur që të fluturojnë me skaf mbi bregdet dhe jo të lundrojnë. Skafi fluturues për tu ngritur në ajër duhet që të arrijë shpejtësinë 60 milje ose 80 km në orë. Fluturimet arrijnë lartësinë nga 150 metra deri në 200 metra. Në bordin e këtij skafi fluturues janë dy persona dhe komunikojnë me radio.
Vlen për tu theksuar se ky skaf funksionon njëlloj si avionët të cilët ulen mbi ujë, por është më praktik
Skafi fluturues është i përbërë nga një gomone, në brendësi të saj është instaluar një bosht apo bazament prej hekuri për të ruajtur balancën gjatë fluturimit, por edhe për të mbajtur peshën e personave qe janë në të. Ndërsa pjesa e krahë komandohet nga një timon i improvizuar.
Nuk dihet dhe për sa kohë do të zgjasë kjo aventurë e këtyre dy të rinjve sepse akoma nuk një dokument i cili certifikon sigurinë e këtij mjeti argëtimi apo transporti sepse mund të jetë rrezik për personat që janë në të gjatë fluturimit por dhe për të tjerët që mund të rrezikohen nga një rrëzim i këtij skafi fluturues.
