Presidenti Donald Trump dhe presidenti i Finlandës, Sauli Niinistö, u ulën krah për krah për një konferencë të përbashkët shtypi në Zyrën Ovale, në Shtëpinë e Bardhë.
Gjatë konferencës, presidenti Trump u pyet rreth hetimit që ai ka ndërmarrë për marrjen e të dhënave si dhe për bisedat e tij telefonike, me presidentin ukrainas dhe për kreun e Komitetit të Inteligjencës Adam Schiff.
Mirëpo në një moment, Trump gjatë fjalës së tij, e preku tek gjuri Niinistö, por presidenti finlandez u duk që e shtyu dorën e Trump, duke mos i pëlqyer reagimi i shefit të Shtëpisë së Bardhë.
Sipas ‘Daily Mail’, gjesti i papritur erdhi kur një gazetar pyeti se çfarë mund të mësonin SH.B.A. nga Finlanda, e cila është renditur vendi më i lumtur në botë për dy vjet me radhë, nga Raporti Botëror i Lumturisë.
Trump në ato momente prek gjurin e liderit të huaj dhe shton: “Finlanda është një vend i lumtur”.
