Juristi i njohur, Saimir Visha ka reaguar në emër të Shoqatës së Avokatëve Penalistë të Shqipërisë në lidhje me ngjarjen e rëndë që ndodhi ditën e djeshme pranë Gjykatës së Tiranës, ku 53-vjeçari Mexhit Picari ekzekutoi ish-bashkëshortin e vajzës së tij, Kudret Saliaj.
Visha, teksa ka postuar video nga vendngjarja pas krimit, i ka uruar shërim të shpejtë edhe ish-prokurorit Adriatik Cami, i cili ishte avokati i viktimës, dhe që mbeti i plagosur.
”Shoqata e Avokateve Penaliste te Shqipërisë i uron sherim te shpejt Av. Adriatik Cami dhe denon cdo sulm apo veprim të kundërligjshëm qe prek avokatet,gjyqtaret, prokuroret gjate ushtrimit te funksionit te tyre.’’, shkruan Visha në rrjetin social, Facebook.
Si ndodhi vrasja
Bashkëshortët Saliaj do të zhvillonin seancën e radhës të divorcit në Gjykatën e Tiranës. Në pritje të nisjes së saj, palët po pinin kafe në të njëjtin lokal në zonën e ish-Ekspozitës në kryeqytet. Ngjarja ndodhi 10 minuta para seancës gjyqësore për ndarjen e çiftit.
Në momentin e ngjarjes, Mexhiti dhe Dhurata kanë qenë ulur në lokal, ndërsa në një karrige tjetër disa metra më tej ishin ulur Kudret Saliaj me avokatin e tij Adriatik Cama.
Picari është ngritur nga tavolina dhe duke nxjerrë pistoletën, ndërsa ka qëlluar 8 herë në drejtim të tij. 5 nga plumbat kanë goditur Saliajn dhe 1 tjetër avokatin e tij, Adriatik Camën. Pasi vrau Saliajn, Mexhit Picari është larguar në këmbë me shpejtësi nga vendi i ngjarjes, ndërsa pas tij u largua edhe Dhurata, ish-bashkëshortja e viktimës.
Dëshmia e autorit të vrasjes
”Me Kudretin kishim konflikte të vazhdueshme prej muajsh. Pasi u nda nga vajza dhe ma solli në shtepi pa e lejuar të shohë fëmijët, ai ka vijuar të na kërcenojë dhe ofendojë. Ka ardhur tek shtepia dhe tek biznesi disa herë. Për shkak të kërcenimeve, unë mbaja armën me vete. Sot kam shkuar të shoqeroja vajzën për në gjykatë sepse kishte seancen. Aty u përballa me Kudretin. Ai ofendoi vajzen time dhe unë e qellova. Pas krimit kam hedhur armën dhe jam larguar drejt Unazes se Re në shtepinë e motrës”.
Vajza e autorit, bashkëpunëtore në vrasjen e ish-bashkëshortit
Ditën e djeshme, Policia e Tiranës, ka vënë në pranga Dhurata Aliajn, ish-bashkëshorten e Kudret Aliaj, i cili u qëllua për vdekje ditën e sotme, nga ish-vjehrri i tij, Mexhit Picari.
Sipas uniformave blu, 33-vjeçarja ka qenë bashkëpunëtore me babain e saj, për vrasjen e ndodhur pranë Gjykatës së Tiranës.
”Shtetasi M. P., 53 vjeç, i arrestuar po sot nga Policia dyshohet se në bashkëpunim me shtetasen DH. S, ( vajzën e tij) janë autorë e ngjarjes se ndodhur, ku mbeti i vrarë me armë zjarri shtetasi K. S. (ish-bashkëshorti i shtetases Dh.S) dhe si pasojë e të shtënave mbeti i plagosur dhe shtetasi A. C., i cili ndodhet jashtë rrezikut për jetën.”, informoi policia.
