Ndërsa mania e Kupës së Botës ka mbërthyer mbarë globin, disa trafikantë droge nuk po vepronin në mënyrë të ndershme, duke e përdorur ngjarjen për të fshehur aktivitetet e tyre të paligjshme.
Autoritetet policore në Argjentinë, nxorën kartonin e kuq, kur thanë se kapën marijuanë dhe kokainë, që ishin duke u trafikuar të futura në trofe të rreme të Kupës së Botës.
Ata gjithashtu konfiskuan kokainë të llojit krak, para, armë zjarri dhe automjete nga “Narcos de la Copa”, ose Kupat e Drogës. Trafikantët menduan të shfrytëzojnë entuziazmin e shkaktuar nga botërori, për të trafikuar drogën pa shkaktuar dyshime tek policia. Katër burra dhe tre gra u arrestuan.
Ky është një “gol” i shënuar nga Ministria e Brendshme e Argjentinës, që arriti të kapë të dyshuarit, “tregtarët e vdekjes”, duke shtuar se ata nuk duhen admiruar. Ndryshe nga yjet e futbollit botëror, që janë mbledhur në Rusi për të bërë krenarë vendet e tyre.
TIRANA TODAY
