Ka nisur në mënyrën më të keqe të mundshme, kthimi në Moto GP pas 9 muajsh i pilotit spanjoll të Hondas, Marc Marquez.
Në provat e ditës së sotme në pistën e Jerez, Marquez ka pësuar një aksident të frikshëm, në përfundimin e një kthese.
Ai ka humbur kontrollin e motorit të tij për shkak të shpejtësisë së madhe, duke u përplasur. Motori i tij u dëmtua, ndërsa Marquez mësohet se është ngritur vetë në këmbë, çka përbën një lajm të mirë.
Megjithatë, ende nuk dihet zyrtarish gjendja e tij shëndetësore, teksa kujtojmë se 9 muaj më parë ai pësoi një tjetër aksident, duke u dëmtuar në shpatull.
Marc Marquez është një nga më të mirët në botën e madhe të Moto GP, teksa numëron jo pak, por 8 tituj kampion bote.
