Mesfushori me origjinë shqiptare, Granit Xhaka, ka surprizuar një fans të veçantë në Gjermani. Faktikisht ka qenë bashkëshortja e tij, Leonita, ajo që ka vizituar një spital të fëmijëve me autizëm, për të takuar Julianin e vogël.
Ai është tifozi personal i Xhakës, të cilin Graniti e ka vizituar gjatë kohës kur ishte pjesë e Borusia Mönchengladbach. Këtë herë, Graniti ka dërguar gruan e tij për të vizituar Julianin.
Ai pati dhe një lidhje telefonike me të ku i premtoi se do ta vizitonte shumë shpejt sërish. Kjo surprizë gëzoi pa masë fëmijën e vogël.
“Nuk e harroj takimin e parë me Julianin kur luaja me Gladbach. Ky fëmijë është fantastik, energjia që ka për jetën është një mësim për të gjithë. Ishte kënaqësi për gruan time, Leonitën, të shihte atë. Po pres me padurim ta vizitoj shpejt, qëndro i fortë burrë i madh”, – shkruan Xhaka teksa shpërndan videon.
