Në një karrierë që zgjati mbi 4 dekada, Michael Jackson, la pas një trashëgimi muzikore prej 13 albumesh, rreth 750 milionë disqe të shitura në mbarë botën, dhe një trashëgimi financiare prej 2 miliardë dollarësh.
Më 25 qershor 2009, ndërsa po përgatitej për turneun e tij muzikor, që do të shënonte rikthimin në skenë “This is it”, Michael, mori një mbidozë ilaçesh gjumi dhe vdiq nga pushimi i zemrës në moshën 50-vjeçare. Disa ditë para vdekjes, Michael u shpreh në mënyrë misterioze: “Ata do të më vrasin!”.
Fansat e tij në mbarë botën u tronditën. Por për familjen Jackson, vdekja e Michael nuk ishte e papritur, dhe sipas tyre nuk ishte as aksidentale. “Unë them se vëllai im u vra. Ishte një komplot. A ishte në fakt vdekja e tij e organizuar?”, tha atë kohë motra e tij Janet.
Për t’iu përgjigjur kësaj pyetje, duhet të shohim të dhënat zyrtare që nga koha e vdekjes së Michael. Dy autopsitë e kryera në trupin e tij, arritën në përfundimin se këngëtari vdiq nga helmimi akut me “Propofol”.
Propofoli është një qetësues i fuqishëm, që përdoret për të vënë në anesteti pacientët para operacioneve. Mjeku personal i Michael, Conrad Murray, i kishte rekomanduar artistit përdorimin e Propofol, për të trajtuar pagjumësinë.
Por sipas ekspertit të gjumit, Dr Nader Kamangar, përdorimi i panevojshëm i anestezisë kirurgjikale është i rrezikshëm, dhe nuk duhet të rekomandohet kurrë si një pilulë gjumi.
Në nëntorin e vitit 2011, Dr Murray u shpall fajtor për vrasje të pavullnetshme të shkallës së dytë. Por historia nuk përfundon këtu. Dr Murray mund të ketë vrarë për shkak të neglizhencës, por ai ishte i punësuar nga kompania që menaxhonte imazhin e Michael Jackson, “AEG Live”. Michael ka pasur konflikte të vazhdueshme me shefat e tij.
Tensionet midis yllit të muzikës pop dhe kompanisë “Sony”, ishin të dukshme prej të paktën një dekadë më parë, kur Michael publikoi këtë këngë. Hiti e tij i diskutueshëm i vitit 1995, “They don’t care about us”, është një sulm i qartë kundër pushtetit dhe pabarazisë, dhe shumë njerëz e interpretuar atë si një kritikë të drejtpërdrejtë ndaj industrinë e muzikës, dhe trajtimit të keq që u bëhej këngëtarëve. Dhe në qershorin e vitit 2009, historia ishte e njëjtë.
Por këtë herë, nën presionin e kompanisë së tij menaxhuese “AEG Live”, shëndeti i Michael filloi të përkeqësohej me shpejtësi. Në vitin 2013, familja e Michael Jackson ngriti një padi kundër AEG. Avokatët e familjes Jackson, argumentuan se gjatë përgatitjes për turin e ri, AEG shpërfilli shëndetin e përkeqësuar të Michael, dhe e kërcënoi Dr Murray ta dendte Michael me qetësues të fortë, në mënyrë që të pushonte më shpejt.
AEG pretendon se Michael kishte kontroll të plotë mbi medikamentet që merrte, dhe është përgjegjës për vdekjen e tij. Por Propofol, e jep efektin brenda 40 sekondave nga marrja, çka do të thotë se do të ishte thuajse e pamundur që Michael t’i injektonte vetes një dozë vdekjeprurëse.
PËRSHTATI TIRANA TODAY
