Kryetari i Partisë Demokratike, Lulzim Basha është justifikuar për listën e partisë që drejton se ka zgjedhur një listë fituese dhe njerëzit me të mirë. Basha ka thënë se ka bërë një hapje për Partinë Demokratike dhe ka ftuar aty intelektualë dhe jo si PS-ja duke futur kriminelë në Parlament. Basha dhe në spotin e tij publicitar e thekson shumë shkollimin e tij dhe arritjet e tij personale. Ai thotë se ka ftuar në PD dhe i ka bërë pjesë te listave njerëzit më të shkolluar.
Në mitingun e hapjes së fushatës elektorale në Tiranë me 27 maj kur bëri prezantimin e ekipit të tij fitues duke e vënë theksin te shkollimi dhe arsimimi i kandidatëve të tij. Basha në tha se në republikën e re në krye të dy qarqeve janë dy profesorë.
Lulzim Basha: Profesor Romeo Gurakuqi, ti u krenove me Shkodrën, por Shkodra, Shqipëria dhe shqiptarët krenohen me ty. Çfarë ka vendosur kështu Lulzim Basha, kush janë ata që na ka sjellë, po po kjo është republika e re, dy profesorë në krye të dy qarqeve; në Shkodër dhe në Korçë, ky është standardi, ky është vendimi, kjo është shpresa dhe pritshmëria juaj, kjo është rruga drejt fitores.
Çfarë tha Romeo Gurakuqi dje që u përfol aq shumë në media?
Kandidati i pari i listës së Partisë Demokratike në qarkun e Shkodrës, Romeo Gurakuqi, në mitingun përmbyllës elektoral të Pd-së në këtë qark tha se i është referuar një poeti të madh Millosh Gjergj Nikolla (Migjeni) për vargjet që do recitonte. Gurakuqi duke dashur që t’i kontekstualizojë këto vargje dhe ti sjellë në realitetin e sotëm që sipas tij republika e vjetër u shemb dhe një jetë e re (republikë e re) po lind në gërmadhat e të vjetrës.
Romeo Gurakuqi: “Është më e vërtetë se kurrë profecia e një shkodrani të madh e një poeti të madh, Millosh Gjergj Nikolla. E vjetra shembet, kohët po ndryshojnë një jetë e re po lulëzon mbi gërmadhat e republikës së informalizuar”
Çfarë u tha në media?
Në mediet shqiptare kjo u konsiderua si një gafë e madhe e Profesorit Romeo Gurakuqi dhe në shumë të tilla u shkruan se ai ka cituar një nga thëniet e famshme të Qemal Stafës, por duke ia atribuuar ato shkrimtarit të madh shkodran Migjenit.
Gjtithashtu në disa media të tjera u tha se, “fjalët i takojnë hartimit të Qemal Stafës, fare i ri, mbi një temë nxjerrë nga Shileri. Hartimi u shkrua në vitin 1935, kur Qemali ishte nxënës në gjimnazin shtetëror të Shkodrës.
Mediet gabohen kur vargjet ia atribuojnë Qemal Stafës sepse ato janë të Friedrich von Schiller.
Friedrich von Schiller: E vjetra shembet, kohët po ndryshojnë, një jetë e re po lulëzon gërmadhash.
Pse media e quan Gafë?
Mediet me të drejtë e quajnë gafë dhe merren me këtë gjë për disa arsye:
- Romeo Gurakuqi është promovuar shumë nga Partia Demokratike duke u prezantuar si një figurë që rrezaton dituri dhe arsimim të mirë. Basha e ka konkretizuar si shpresë dhe pritshmëri të shqiptarëve. Një profesor nuk mund të bëjë gafa me paramendim.
- Romeo Gurakuqi në video duket mirë se është duke lexuar fjalimin e tij. Ai lexon ato që vetë i ka shkrua. Kjo do të thotë që ai gafën e ka bërë jo në një moment emocional por kur ka qenë i qetë të shkruaj fjalimin.
- Prof. Dr. Romeo Gurakuqi flet me letër para njerëzve në fushatë elektorale. Sigurisht që këtë e bën për të shmangur gafat e momentit. Por gjithkush mund të pyes, si ka mundësi që një profesor me kaq vite eksperiencë para studentëve me kaq shumë eksperienca dhe kur PD-ja e konsideron krenari të shqiptarëve, si mundet që një fjalim para qytetarëve të mos e bej dot pa letër?
Po kush është Romeo Gurakuqi?
