Teksa Joe Biden i afrohet gjithmonë e më shumë Shtëpisë së Bardhë, fitorja e tij duket se i gëzon jo pak shqiptarët, e veçanërisht ata të Kosovës.
Ish-zv.presidenti i SHBA-ve ka qenë një nga mbështetësit e hershëm të Kosovës në Senatin Amerikan.
Ai ishte pro ndërhyrjes ushtarake të NATO-s në Kosovë, pro bombardimit të Serbisë dhe është shprehur në favor të pavarësisë së Kosovës.
Në vitin 1998, gjatë një debati në senatin amerikan, Biden kishte mbajtur një fjalim për konfliktin Kosovës–Serbi.
Në videon e mëposhtme dëgjohet qartë Biden teksa thotë se ka sygjeruar që bombardimin e Serbisë.
https://www.youtube.com/watch?time_continue=49&v=dwAkj5Lzq4c&feature=emb_title
Në vitin 2009, një vit pas shpalljes së Pavarësisë, Biden do të vizitonte Kosovën ku ndër të tjera do të shprehej: “Ju falenderoj për mikpritjen. Është një privilegj qe jam në vendin tuaj edhe pse kam ardhur pak me vonesë më lejoni të uroj ditëlindjen, 1 vjetorin e Pavarësisë. Po kështu më lejoni t’ju falenderoj për Medaljen e Lirisë, edhe në emër të popullit amerikan, sepse e konsideroj nder për vendim tim këtë çmim“.
“Shtetet e Bashkuara dhe Presidenti Obama ju jemi mirënjohës për punën e kryer. Me pavarësinë e Kosovës, ëndrra për futjen e Ballkanit Perëndimor në BE vazhdon”.
