Donald Lu iku nga Shqipëria, pa parë asnjë “peshk” të madh të binte në rrjetë. Saimir Tahiri u lirua nga arresti shtëpiak për mungesë provash.
Në pranga ra “Babalja” i PD, dëshmitari që duhej të fundoste Fatmir Xhafajn. Pas protestës qesharake, Basha shndërrohet befas nga “djall” në “engjëll”.
Berlini po na jep shpresë për çeljen e negociatave të anëtarësimit në qershor. Duket se Rama dhe Basha, kanë riaktivizuar paktin e fshehtë mes tyre.
Pas “stuhisë”, lipset klimë e qetë politike, që Brukseli të mos na i mbyllë dyert. Por ky nuk është një pakt për integrimin, dhe as për të mirën e shqiptarëve.
Ai synon vetëm mbylljen e dosjeve korruptive, në të dyja kampet. Tirana bën sikur po e reformon drejtësinë, BE-ja sikur mezi po na pret.
Por loja dikur do të përfundojë, dhe maskat do të bien. Deri atëherë, shqiptarëve të mbetur ende në Shqipëri u mbetet veçse të presin…
TIRANA TODAY
