Shqiptarja Drita Kurtsmajlaj, ka katër vite që jeton dhe punon në Francë. Por, kërkesa e saj për azil është hedhur poshtë. Ajo është e kërcënuar me dëbim.
Në Francë ajo ka shkuar bashkë me dy prindërit e saj. Babi i shqiptares është i sëmurë. Mjekët thonë se nëse ai dërgohet në Shqipëri shëndeti i tij do përkeqësohet. Për momentin familja shqiptare po jeton në një dhomë të vogël. Prefektura i ka larguar nga hoteli ku qëndronin.
https://tiranatoday.com/ne-shqiperi-na-pret-vdekja-fati-i-keq-ndjek-perkthyesen-shqiptare-dhe-prinderit-e-saj/
Por, një grup personash kanë dalë në mbështetje të Dritës dhe dy prindërve të saj. Në mesin e mbështetësve janë edhe kolegë të shqiptares.
“Ajo punon këtu, jeton këtu, ajo qëndron këtu”, lexohet në rrugën pranë prefekturës Gironde. Këtë të premten, një grup mbështetës i Drita Kurtzmajlaj, u prit nga një përfaqësues i prefektit, në Bordo.
23-vjeçarja shqiptare gjatë gjithë kohës ka punuar në Francë si përkthyese.
Shumë njerëz u mblodhën para prefekturës për të mbështetur vajzën re. Ajo është integruar mirë në Francë dhe ka 4 vjet që punon nëpër shoqatat lokale që u vijnë në ndihmë të pastrehëve.
Drita, e rrethuar nga mbështetësit e saj të shumtë, ishte shumë i emocionuar.
” Kjo mbështetje më jep kurajë për të ecur përpara,” tha ajo. Për të, kjo situatë shkakton shumë stres dhe lodhje.
Elemente të reja të paraqitura në dosje
Anëtarët e delegacionit i kishin paraqitur dokumente shtesë në dosje, me qëllim të rishqyrtimin e saj. “Ne kemi sjellë elemente të reja të tilla si kërkesat që Drita ka marrë për të siguruar përkthime në gjykata, në policinë kombëtare dhe burgun e Agen”, argumenton Brigitte Lopez, anëtare e rrjetit arsimor pa kufij (RESF)./TIRANA TODAY/
