Janë jo të rralla rastet kur emigrantët humbasin dokumentet e tyre, dhe hasin shumë probleme më pas me autoritetet e vendit pritës. Por rasti i iranianit Mehran Karimi Naseri është ekstrem. Falë një kombinimi të fatit të keq, dhe procedurave ligjore tejet strikte, ai mbeti i bllokuar plot 18 vjet në terminalin e aeroportit ndërkombëtar “Sharld De Gol” në Paris, nga 26 gushti i vitit 1988, deri në korrikun e vitit 2006.
Pasi fitoi më shumë vështirësi statusin e refugjatit në Belgjikë, Naseri synoi të shkonte në Britani. Por gjatë udhëtimit për në Londër nëpërmjet Parisit, humbi valixhen me dokumentat. Autoritetet britanike e kthejnë mbrapsht, ndërsa ato franceze e arrestojnë dhe më pas e lirojnë. Nga ai moment,për 18 vite me radhë Naseri do të jetonte në terminalin e aeroportit, duke u bërë një fytyrë e njohur për stafin dhe udhëtarët.
Ai e kalonte ditën duke lexuar gazeta, dhe duke mbajtur një ditar personal. Historia e tij, tërhoqi vëmendjen e gazetarëve nga e gjithë bota. Qëndrimi i gjatë në një vend, nisi ti shkaktonte probleme mendore, duke trilluar vazhdimisht histori të reja mbi origjinën e vet. Kalvari i tij mori fund në vitin 2006, kur Belgjika i nisi me postë dokumentet e reja. Por Naseri nuk udhëtoi kurrë drejt Londrës. Ai jeton ende sot në Francë.
