Disa ditë më parë bëri xhiron e rrjetit videoja ku Clara Sosa, i bie të fikët në skenë. Asaj i ka rënë te fikët pasi u shpall fituese e “Miss Grand International 2018”.
Menjëherë njerëzit që ndodheshin pranë vrapuan për ta ndihmuar konkurenten që u shtri pa ndjenja në mes të skenës.
Mirëpo, Miss Shqipëria, Klaudia Kalia, e cila ishte gjithashtu konkurente në këtë kompeticion, e ka nxjerrë bllof Sosa-n. E ftuar tek “Rudina”, ajo tregoi se gjithçka ishte e inskenuar.
Klaudia rrëfeu se gjatë një momenti në video, Clara Sosa ka rregulluar pozicionin e këmbës teksa ishte e shtrirë përtokë, për të pozuar më bukur.
