Rreth orës 20:10 studentët protestues të pozicionuar te rrethrrotullimi i Zogut të Zi janë tërhequr përfundimisht duke zhbllokuar kalimin e automjeteve. Vendimi i studentëve për të liruar rrugën është shoqëruar me përshëndetje të ngrohta nga drejtuesit e makinave.
Në të njëjtën kohë pranë ministrisë së Arsimit raportohet se kanë mbetur vetëm një grup i vogël prej rreth 20 studentësh.
E teksa në këto dy pika për ditën e sotme protesta ka përfunduar, përpara Kryeministrisë vijon të ketë një grumbull të konsiderueshëm studentësh e mbështetësish të tyre. Protesta e nesërme pritet të nisë të paktën pranë ministrisë së Arsimit dhe me bllokimin sërish të rrethrrotullimit të Zogut të Zi. TIRANA TODAY
