Edhe kafshët e përjetojnë shumë ndjesinë e mëmësisë, gjë në fakt që ka ndodhur dhe me rastin në fjalë.
Moka është këlyshi i parë i një gorille të lindur në 9 vitet e fundit në Smithsonian’s National Zoo and Conservation Biology Institute.
Ajo që ka rënë më shumë në sy në këtë video është nëna Calaya, ndërsa mbush me puthje të voglin e saj disa orë pas lindjes.
Kjo është përvoja e parë e Calaya si nënë dhe stafi i Smithsonian’s National Zoo ka punuar shumë për ta përgatitur për këtë përvojë.
“Lindja e kësaj specie të gorillave të ultësirave perëndimore është e veçantë jo vetëm për institutin tonë, por edhe për vetë specien.”
Gorilla e ultësirës perëndimore, në fakt, është një specie me një rrezik serioz të zhdukjes. Siç shpjegojnë ekspertë të Smithsonian, është llogaritur se popullsia e këtyre primatëve është ulur me rreth 60 për qind gjatë 20/25 viteve të fundit.
