Policia e Shtetit do të pajiset me flotë te re. Ky është lajmi që është bërë i ditur nga vetë kryeministri Rama.
Me anë të një shënimi në “Facebook”, Rama shkruan: “ERTV Live?: Tiranë, SIGURI INOVACION PROGRES – Flota e re e Policisë së Shtetit”.
Në aktivitetin e sotëm u prezantuan 134 mjete të reja për Policinë e Shtetit,
Ndërsa në fjalën e tij, kreu i Policisë së Shteti Ardi Veliu tha: ‘Marrja me qira e mjeteve të transporti rrugor shikohet si projekti më efektiv’.
Ministri i Brendshëm Lleshaj në takim, foli për protestën e dhunshme përpara Parlamentit.
Ministri Lleshi tha se qytetarët dhe forca të caktuara politike duhet të jenë në krah të uniformave blu dhe jo të rreshtohen përballë tyre.
Ndërsa Kryeministri Edi Rama ka deklaruar se në Parlament do të dërgohet së shpejti një draft. Sipas tij, drafti ka për qëllim krijimin e një force speciale policore.
Ajo do ketë në fokus vetëm personat me rrezikshmëri të lartë shoqërore dhe me precedent kriminalë.
Sipas Ramës, kjo do të bëhet për të shkatërruar krimin e organizuar.
“Do çojmë në Parlament projektin për krijimin e një force superspeciale që do të merret më të gjithë ata që janë bezdi për komunitetet, që kanë precedentë kriminalë, mbi të cilët duhet të ushtrohet përditë presioni parandalues i Policisë së Shtetit. Duhet të finalizojmë diskutimin për xhandarmërinë për të marrë vendim përfundimtar nëse po apo nëse jo”, deklaroi Kryeministri Edi Rama./TIRANA TODAY/
