Një vendim shumë të vështirë 20 vite më parë – për t’i braktisur prindërit dhe 10 familjarët e tjerë në Meksikë, duke shpresuar për një jetë më të mirë në SHBA, i kushtoi shumë Maria Elena Esparza.
Nga frika se mund të arrestohet pasi qëndronte pa dokumente të rregullta në SHBA, 40-vjeçarja nuk e kishte parë familjen e saj për më shumë se dy dekada.
Por, më në fund asaj iu dha mundësia të ribashkohet me prindërit e saj të moshuar në aeroportin ndërkombëtar të Seattle-Tacoma.
Babai i saj, Sostenes Esparza-Munos, 81-vjeç, dhe nëna Esperanza Rodriguez-Rodriguez, 80-vjeçe, nuk mund të prisnin derisa të ribashkohen me të bijën, transmeton tg.
Në fillim nëna e Maria Elenas, nuk e njihte të bijën për faktin se kishin kaluar shumë vite dhe ajo kishte ndryshuar shumë.
Ndërkaq e bija e saj 20-vjeçe, Maria Acosta-Esparza, ishte siguruar që këtë ribashkim ta filmon derisa gjyshi dhe gjyshja e saj përqafoheshin me nënën e saj në aeroport.
