Thuajse në të gjithë botën dasmat janë një nga momentet më të bukura për çiftin që martohet por dhe për dy familjet, si të nuses ashtu edhe të dhëndrit.
Në traditën shqiptare përdorimi i armëve në dasmë ka qenë një zakon, dhe qëllimi në ajër lajmëronte se ne atë familje kishte gëzim.
Megjithëse në vendin tonë kjo traditë është zbehur aq sa mund te themi që është shuar, por këtë traditë ndiqet akoma në shtete të tjera, përgjithësisht në zonat malore.
Një pakujdesi e çastit e ka kthyer dasmën në mort në Turqi. Hasan Koyun po kërcente në dasmën e së motrës në Nidge të Turqisë, kur vëllai i tij i vogël mori armën dhe nisi të shtie në shenjë gëzimi.
Nga një video e xhiruar nga të pranishmit në dasmë shihet se Ramazan Koyun tërheq këmbëzën e pistoletës pa e ngritur ende tytën e saj në ajër duke qëlluar në kokë të vëllain, baba të dy fëmijëve.
I plagosuri rëndë u dërgua menjëherë në spitalin Nigde Omer Halisdemir, por pavarësisht ndërhyrjes së mjekëve nuk arriti t’u mbijetojë plagëve.
Policia nisi menjëherë hetimet dhe arrestoi 9 persona. Si rezultat i hetimeve u provua se ishte vëllai i viktimës ai që kishte qëlluar. Ramazan Koyun u kap së bashku me armën e krimit.
Video është shpërndarë gjerësisht në median sociale në përpjekje për të rritur ndërgjegjësimin kundër përdorimit të armëve në raste gëzimi.
