Një video që tregon kokën e prerë të një turisteje skandinave në Marok është duke u qarkulluar gjerësisht në mediat sociale e emetuar nga mbështetës të ISIS.
Pamja e tmerrshme tregon një njeri duke përdorur një thikë të madhe për të prerë kokën e një gruaje dhe duke bërtitur: ‘është vullneti i Allahut’. Besohet që viktima të jetë turistja daneze Louisa Vesterager Jespersen, 24 vjeçe.
Jespersen ishte në një event sportiv në Marok bashkë me Maren Ueland, 28 vjeç, nga Norvegjia. Të dy turistët u gjetën të vdekur të hënën në afërsi të fshatit Imlil në malet e Atlasit të Lartë të Marokut.
Në video, autorët mund të dëgjohen gjithashtu duke thënë se vrasjet e tyre ishin në shenjë hakmarrjeje për sulmet ajrore të kryera nga misionet bombarduese Perëndimore në Sirinë e shkatërruar nga lufta.
‘Kjo është për Sirinë, këtu janë kokët e perëndive tuaja’, dëgjohet një zë në video dhe më tej i njëjti shton se ‘kjo është hakmarrje për vëllezërit tanë në Hajin’.
Hajin është një qytet në Sirinë lindore që kontrollohej nga ISIS derisa forcat e mbështetura nga koalicioni antiisis e rimorën këtë javë.
ISIS ende nuk ka marrë përgjegjësinë për këto vrasje, ndërkohë që mbështetësit i kanë nxjerrë në mediat sociale duke festuar. TIRANA TODAY
