Vitet ’80 do të konsiderohen si një hap cilësor i “Flamurtarit”. Askush nuk do të mendonte më vonë se ky ekip do të pëlqehej aq shumë, do të adhurohej, herë për golat, herë për vallëzimin në fushë, herë për rezultatet. Ekipet e qyteteve të tjera ishin të ngjashme me njëri-tjetrin, për nga mënyra se si luanin, si fitonin dhe si humbnin ndeshjet, kupat, apo kampionatin.
Futbolli që bënte në fushë ai ekip ishte për tu admiruar, ishte si një tiki-taka që sot është personalizuar si stili që u krijua nga Raikard dhe u perfeksionua nga Guardiola. Por duket qartë në videon më poshtë se tiki-taka ka lindur vite më parë dhe për faktin futbolli në Shqipërinë e atyre vite nuk promovohej si duhet në arenën ndërkombëtare mbeti në hije. Ishte Flamurtari ai që vuri në zbatim tiki-takën, ai Flamurtarë që mbahet mend si më i miri i të gjitha kohërave. Sot ai njihet si stili i futbollit që ka sjellë Guardiola, por në kohën kur Flamurtari i Vlorës e praktikonte, trajneri katalan ishte vetëm një fëmijë i sapolindur.
