Një nga anëtarët e skuadrës prej 15 vetësh të dyshuar si përgjegjës për vdekjen e gazetarit saudit Jamal Khashoggi, ka veshur rrobat e tij menjëherë pas vrasjes. Më pas ka dalë jashtë në rrugë. Pamjet janë kapur nga kamerat e sigurisë në rrugët e Stambollit në ditën që gazetari u vra.
Burri shihet të dalë nga dera e pasme e konsullatës së Arabisë Saudite në Stamboll, i veshur me teshat e Khashoggi-t, me mjekër false dhe syze.
Sipas hetimit të policisë turke, i njëjti person është parë me rrobat e gazetarit edhe në xhaminë Blu. Pak orë pasi gazetari ishte parë për herë të fundit i gjallë duke u futur në konsullatë në 2 tetor.
Njeriu në video i identifikuar si Mustafa al-Madani, sipas investigatorëve është pjesë e skuadrës së dërguar për të vrarë gazetarin. Në kohën kur ky do të vinte në konsullatë për të plotësuar disa dokumente për martesë.
Sipas ekspertëve, Mustafa al-Madani ka pasur si qëllim që duke u veshur me rrobat e gazetarit Jamal Khashoggi, dhe duke u maskuar me mjekër false, ka dashur të krijojë idenë se viktima kishte hyrë dhe dalë nga konsullata. Por duket se kjo manovër e shërbimeve sekrete saudite nuk ka funksionuar.
TIRANA TODAY
