Një tërmet i fortë shkundi ishullin turistik grek Zakynthos. Lëkundjet e forta të tërmetit janë ndjerë edhe në Shqipëri. Tërmeti i fuqishëm ka qenë 6.8 ballë.
Demet kanë qenë të shumta, ndërkohe që nuk flitet për viktima. Por për pasojë kanë mbetur persona të lënduar që kanë marrë ndihmë mjekësore.
Porti kryesor për ishullin Zakynthos në detin Jon është goditur. Kështu ka thënë zëdhënësi i agjencisë për mbrojtje civile, Spyros Georgiou. Imazhet nga porti treguan trotuare të çara dhe të deformuara pranë anijeve të ankoruara.
“Ne jemi duke kontrolluar fshatrat në ishull, ku ka disa ndërtesa të vjetra”, tha ai për The Associated Press. “Mungesa e energjisë elektrike është një problem, por teknikët po përpiqen të rivendosin lidhjet”.
Shërbimi i zjarrfikës tha se pati raportime për rrëzime shkëmbinjsh. Dëme të mëdha kanë ndodhur edhe në qytetin Pyrgos, në zonën jugore të Peloponezit. Disa njerëz u trajtuan për lëndime të lehta.
Georgiou tha se u dha një paralajmërim paraprak për cunami. Ndonëse edhe dy orë pati goditje nga tërmeti, por ato që pasuan ishin më të lehta./TIRANA TODAY/
