Deputeti i PD-së Agron Shehaj, në rrjetin e tij social “Facebook”, ka postuar një video nga Jala, ku shikohet momenti i përplasjes së policisë me qytetarët.
Krah videos, deputeti demokrat shkruan: Vazhdon terrori i policisë kundër popullit të pambrojtur.
Mbi 10 të arrestuar (përfshirë një 14 vjeçare?) në Jalë midis qytetarëve që protestojnë kundër prishjes së banesave në mënyrë arbitrare nga Qeveria.
Tashmë vijojnë përplasjet mes banorëve dhe policisë në Jalë. Mësohet se 7 banorë, të cilët kanë kundërshtuar prishjen e pronave të tyre nga IKMT, janë shoqëruar nga Policia. Mes të arrestuarve, mësohet se është edhe një fëmijë 14 vjeç, nga familja Bala.
