Po mbushet gati viti që kur Edi Rama ka rreshtur së (keq)qeverisuri. Ai është shndërruar në një “zjarrfikës” të “zjarreve” që përfshijnë shpesh qeverinë e tij. Në mungesë të një bilanci arritjesh, shantazhon sa herë që mundet BE. Flet për padurimin e shqiptarëve, për rusët, kinezët dhe turqit që janë tek porta.
Kërcënon me islamizmin radikal, me azilantët shqiptarë që do pushtojnë sërish Evropën. Në këtë aspekt, ngjason shumë me Putin, Erdogan apo Vuçiç. Por Shqipëria nuk është një fuqi e madhe dhe as rajonale.
Ajo është ndër 2-3 vendet më të varfra të Evropës. Ndaj kërcënime të tilla priten me humor në kancelaritë perëndimore. Shqiptarëve u kujtojnë sulmet e diktatorit Hoxha kundër revizionistëve sovjetikë dhe imperialistëve amerikanë.
Rama shantazh BE-së: Rusia është joshëse, por edhe Turqia gjithashtu!
Për arsye gjeopolitike, BE mund të çelë në qershor negociatat e pranimit me Shqipërinë. Lista e detyrave të shtëpisë është e gjatë, dhe shantazhet nuk pinë ujë. Fabula e integrimit evropian, ka kohë që nuk është më tërheqëse.
Rama duhet të tregojë nëse di të bëjë diçka për këtë vend, në mos të hapë krahun dhe t’i lërë vendin të tjerëve.
TIRANA TODAY
