Kryetari i Komisionit të Ekonomisë Erjon Braçe ka treguar sërish shenja nervozizmi dhe sjellje aspak qytetare dhe një ligjvënësi që paguhet me paratë e taksapaguesve shqiptarë. Një javë më parë Breçe i bërtiste dhe e i hakërrehej deputetes së PS-së Evis Kushi. Kësaj javë Braçe i ka tërhequr vëmendjen dy gazetareve të pranishme gjatë zhvillimit të aktivitetit në komisionin që ai drejton.
Gjatë diskutimeve, në një moment janë dëgjuar gazetaret të qeshin me njëra- tjetrën. Braçe iu është drejtuar gazetares së Neës24, Marsela Karapanço me fjalët “Mos rënko ti aty”.
Ndërkohë kur ka parë atë të Report Tv, Esiona Konomi duke qeshur i ka kërkuar të dalë jashtë me fjalët: “Ti me syze, dil pak përjashta, dil përjashta që të kuptosh se ka etikë këtu. Shkoj bëje te PD-ja këtë që bëre këtu’’.
Të dyja gazetaret kanë dalë jashtë në heshtje, ndërsa të tjerët vazhduan të ndjekin Komisionin e Ekonomisë.
Duhet ta gjykojë publiku se kush ka apo jo etikë, si mund t’i thuash një gruaje në publik mos rënko, apo rasti i Evis Kushit kur i thoshte boll moj qepe gojën moj. Gjithsesi, Braçe akoma ndjehet se ka moral dhe mund të flasë mbi etikën e komunikimit në publik.
