Sulmet e aleatëve perëndimorë mbi Sirinë në 24 orët e fundit kanë mbajtur gjithë botën në ankth. Edhe pse u arrit të shmanget një përplasje e madhe midis Shteteve të Bashkuara të Amerikës dhe Rusisë, e cila mund të çonte në një konfrontim botëror, sërish asgjë nuk është e sigurt.
Bota vijon të jetojë nën kërcënimin e luftës bërthamore. Por për të kuptuar se çfarë shkatërrimi sjell bomba atomike mjafton të shohim një simulim kompjuterik.
Ky simulim ka zbuluar se çfarë do të ndodhte nëse një bombë e tillë do të shpërthente në një qytet të madh.
Përveç rezultateve të shkatërrimit, shkencëtarët përdorën modelin kompjuterik për të shpjeguar se si do të silleshin njerëzit nëse do të ndodhte skenari më i keq.
Në këtë version kompjuterik mund të simulohet një shpërthim nuklear sipas qytetit ku banoni. Në këtë rast ne përcaktuam Tiranën, kryeqytetin e Shqipërisë duke klikuar mbi lokacionin dhe më pas duket vetë shpërthimi i jashtëzakonshëm që lë pas.
Rezultatet e këtij shpërthimi ishin të tmerrshme ku kryeqyteti zhduket menjëherë, ndërtesat shkatërron dhe lë pasoja jashtëzakonisht të rënda në çdo drejtim.
Nga simulimi kompjuterik rezulton se shpërthimi do të linte pas 264 mijë të vdekur, gati 83 mijë të plagosur. Ndërsa vala goditëse, radioaktiviteti, nxehtësia e shpërthimit do të ishin po ashtu të jashtëzakonshme siç tregojnë edhe shifrat.
What would happen if a nuclear bomb went off in your backyard?
Choose a bomb and experience the power of a nuclear blast in your area
Nisur nga studimi i kryer më parë në Uashington D.C studiuesit zbuluan se njerëzit nuk bënë dot asgjë, dhe kishin më shumë gjasa të vdisnin. Ndërsa në 48 orë numri i vrarëve mund të shkonte në 280,000. Simulimi kompjuterik i këtij shpërthimi u krijua për t’iu dhënë planifikuesve të emergjencave një ide se çfarë kaosi do të shkaktohej nga një sulm i tillë, që nga ndërprerjet e energjisë dhe komunikimet e shkatërruara.
Shkencëtarët e kompjuterëve nga Instituti Politeknik i Virxhinias dhe Universiteti Shtetëror madje krijuan personalitete individuale për secilin rezident. “Agjentët” vepruan sipas moshës, gjinisë dhe profesionit të tyre, duke reaguar në mënyra të ndryshme nga “ikja në panik” tek ‘qëndrimi i paralizuar nga frika”, shkruan Science Alert.
TIRANA TODAY
