Krahas protestës së studentëve, po zhvillohet një tjetër protestë në hyrje të Milotit. Banorë të shumtë janë ngritur duke kërkuar uljen e çmimit të karburantit, uljen e taksës së energjisë elektrike, heqjen e taksës së Rrugës së Kombit dhe heqjen e taksave të tjera nga qeveria shqiptare.
Ata kanë bllokuar për rrjedhojë “Rrugën e Kombit”. Protestuesit mbanin veshur jelekë ngjyrë portokalli.
Një tjetër protestë po zhvillohet paralelisht edhe në Dibër, ku banorët kanë bllokuar rrugën. Ata pohojnë se nuk do të tërhiqen, si dhe kërkojnë largimin e kryeministrit Rama.
