Atalanta është finalistja tjetër në Kupën e Italisë, e cila do të sfidojë Juventusin që u kualifikua ditën e djeshme ndaj Interit.
Pas ndeshjes së parë e cila ishte mbyllur në barazim pa gola, Atalanta ka triumfuar ditën e sotme ndaj Napolit në shtëpi, me rezultatin 3-1.
Dopieta e Pesinës dhe supergoli i Zapatës, i dhanë kualifikimin bergamaskëve, duke e bërë kështu të pavlefshëm golin e Lozanos.
Mbrojtësi i Kombëtares, Berat Gjimshiti fiton kështu “derbin” me Hysajn, duke shkuar në finale të Kupës, e cila do të luhet më 19 maj, ku do të sfidojë Juventusin dhe Kristiano Ronaldon.
