(Video) Amsterdam/Policia hap zjarr ndaj një personi që kërcënonte me thikë

Në Amsterdam policia ka hapur zjarr ndaj një personi të armatosur në aeroportin “Schiphol”. Policia e kryeqytetit holandez hapi zjarr në drejtim të një personi i cili ishte i pajisur me armë të ftohtë dhe kërcënonte njerëzit që ndodheshin brenda në terminalin e pasagjerëve.

Terminali i aeroportit u evakuua menjëherë pas të shtënave të policisë, ndërsa pamje të tjera tregojnë edhe ekipet e emergjencave që nxitonin. Sipas autoriteteve agresori u plagos dhe ndodhet në paraburgim.Rrethanat mbi të shtënat nuk janë bërë ende të ditura, ndërsa policia ende nuk ka zbuluar nëse incidenti ka apo lidhje me terrorizmin. Më pas, policia deklaroi se zona ishte e sigurisë pas asaj drame, e pasagjerët nisën të futeshin sërish në terminal.