Ish-kryeprokurori Adriatik Lalla i shpëtoi vetingut, që është në thelb verifikimi i ligjshmërisë së pasurisë. Kolegji i Posaçëm i Apelimit, e cilësoi legjitime dorëheqjen e tij nga gjyqësori. Llalla së bashku me Tahirin ishin cilësuar nga ambasadori amerikan Lu si “peshqit e mëdhenj”.
Megjithatë, që të dy duket se ia kanë dalë të çajnë “rrjetën”, dhe të shpëtojnë. Kur ndodhej në prag të arrestimit, Tahiri shantazhi publikisht Edi Ramën. Të njëjtën gjë aludohet se ka bërë edhe Llalla me dosjet korruptive të qeverisë aktuale. BE ka kritikuar vazhdimisht pandëshkueshmërinë e zyrtarëve të lartë të akuzuar për korrupsion.
Pasi la mandatin e kryeprokurorit Adriatik Llalla u vu nën hetim për shpërdorim detyre, fshehje pasurie dhe pastrim parash. Shpëtimi nga Vettingu, nuk nënkupton medoemos mbylljen e hetimeve nga organi i akuzës.
VENDIMI I KPA-së
Llalla mund të bëhet objekt i ligjit anti-mafia, nëse nuk arrin të justifikojë pasurinë e madhe që zotëron. Megjithatë paktet e errëta për lënien rehat të njëri-tjetrit, zbehin shpresën se mund të ketë realisht drejtësi në raste të tilla.
TIRANA TODAY
