Kanë kaluar 14 vite nga 4 shtatori i vitit 2004, kur Shqipëria mposhtte Greqinë kampione Evrope në një “Qemal Stafa” të tejmbushur nga tifozët kuqezi. Një fitore e paharrueshme ndaj grekëve me rezultatin 2-1, në ndeshjen e parë kualifikueseve të Botërorit të vitit 2006.
Kuqezinjtë e nisin ndeshjen mjaft mirë dhe është Murati që shënon në minutën e 8’ pas një gabimi të mbrojtjes greke. Ndërsa goli i dytë është i paharrueshëm për çdo tifoz, Adrian Aliaj shënon një gol spektakolar nga një distancë e largët me goditje dënimi.
Grekët reagojnë pa u mbyllur pjesa e parë dhe shkurtojnë diferencën me Janakopulos në minutën e 38-të, gol që vlen vetëm për statistikë në fundin e takimit.
Fitorja solli një festë të jashtëzakonshme në rrugët e Tiranës dhe gjithë Shqipërinë, ku të gjithë shqiptarët dolën për të festuar. Edhe pse, kjo ndeshje nuk kaloi pa incidente. Një emigrant shqiptar u vra nga një tifoz grek në ishullin Zakiso pas përfundim të ndeshjes së futbollit Shqipëri-Greqi. Emigranti quhej Gramoz Palushi dhe u qëllua me thikë gjatë një grindjeje të një grupi tifozësh grekë me një grup shqiptarësh, të cilët po festonin fitoren e Shqipërisë.
