Deputeti demokrat, Oerd Bylykbashi, tregon pse është e domosdoshme të zbatohet Vettingu për politikanët, dhe jo vetëm për prokurorë e gjyqtarë, si pjesë e ‘pallatit të pushtetit’, siç i cilëson ai.
Me anë të një analize të cilën e ka ndarë me të gjithë ndjekësit në rrjetet sociale, ai sqaron se pas procesit të dekriminalizimit, Rama ndryshoi taktikë për të mbrojtur politikanët e tij, të lidhur me krimin e organizuar.
Ai po kështu nënvizon se ligji i Dekriminalizimit largon kriminelët e dënuar nga parlamenti, qeveria dhe gjyqësori. “Rama u kap gafil me shpurën e kriminelëve që futi në institucione. Por ndërroi taktikë; zëvendësoi kriminelin me bedelin. Në vend të kriminelit, ai tani ka futur ne institucione fëmijën, kushëririn, apo ushtarin e bindur të kriminelit”, shton ndër të tjera deputeti i PD-së.
