Një 49-vjeçar, si pasojë e depresionit është vetëplagosur në banesë me armë gjahu. Ndonëse shtetasi me inicialet A.B., u transportua në spital, ai nuk ia ka dalë dot mbanë, duke ndërruar jetë.
“Rreth orës 14:50, në rrugën “Skënder Jareci”, dyshohet se si pasojë e depresionit është vetëplagosur në banesë me armë gjahu shtetasi A.B., 49 vjeç, i cili u dërgua në spital për ndihmë mjekësore.
Si pasojë e plagëve të marra, shtetasi A.B., ka ndërruar jetë në spital”, bën me dije policia. Grupi hetimor po vijon punën, për sqarimin e mëtejshëm të rrethanave të ngjarjes.
