Një ngjarje e rëndë ndodhi mëngjesin e kësaj të diele në kryeqytet.
Një pacient 52-vjeçar është hedhur nga kati i katërt i spitalit Shefqet Ndroqi (COVID 2) dhe për pasojë ka ndërruar jetë.
”Më datë 01.11.2020, rreth orës 03 :10, dyshohet se është vetëhedhur nga lartësia e një spitali shtetasi P.Gj., 52 vjeç dhe për pasojë ka humbur jetën.”, informon policia.
52-vjeçari, Preng Gjonaj nga Tropoja, ishte shtruar prej disa ditësh në spitalin Shefqet Ndroqi dhe po merrte mjekim pasi kishte rezultuar pozitiv me Covid-19.
Grupi hetimor dhe sherbimet e Policisë vijojnë punën për zbardhjen e rrethanave të ngjarjes.
Viktima e 3-të
52 vjeçari është viktima e tretë në radhë që humb jetën në këtë spital duke u hedhur nga ndërtesa.
Me 2 shtator, në mbrëmje Hasan Mira nga Fullqeti i Klosit, 65 vjeç u vetëhodh nga spitali duke gjetur vdekjen.Pacienti ishte në gjendje të rëndë por jo i intubuar.
Ndërkohë, me 13 gusht, një i ri në gjendje të rënduar psikologjike u hodh gjithashtu nga ky spital dhe fatkeqësisht ndërroi jetë.
