Vjen reagimi i kryeministrit Rama lidhur me arrestimin e Klement Balilit. Edhe pse ky i fundit u vetëdorëzua, kryeministri e ka shitur vënien në pranga si një sukses të Ministrisë së Brendshme, SHISH e Policisë së Shtetit.
Në të njëjtën linjë me kryeministrin ishte edhe ministri Sandër Lleshaj, i cili foli pak më parë për mediat, duke e konsideruar vetëdorëzimin e Balilit si një sukses të policisë shqiptare.
“Klement Balili prapa hekurave një hap i madh përpara në luftën kundër krimit të organizuar dhe një përgjigje kuptimplotë, për të gjithë qentë që lehin, ndërkohë që karvani do të ecë me vendosmëri përpara? Urime për këtë rezultat Ministrit Lleshi, Policisë së Shtetit dhe SHISH”, shkruan Rama në Twitter.
Klement Balili prapa hekurave një hap i madh përpara në luftën kundër krimit të organizuar dhe një përgjigje kuptimplotë, për të gjithë qentë që lehin, ndërkohë që karvani do të ecë me vendosmëri përpara? Urime për këtë rezultat Ministrit Lleshi, Policisë së Shtetit dhe SHISH?
— Edi Rama (@ediramaal) January 15, 2019
