Kryetari i Kuvendit të Kosovës, Kadri Veseli, ka kërkuar njohjen e Kosovës nga Madagaskari.
Veseli priti në një takim zëvendëspresidentin e Senatit të Madagaskarit, Amido.
Gjatë takimit, Veseli foli për progresin e shënuar në vend që nga shpallja e pavarësisë, duke theksuar se Kosova është një faktor stabiliteti në Ballkan.
Gjithashtu, kreu i Kuvendit theksoi nevojën që Kosova të jetë sa më shpejt pjesë e Organizatës së Kombeve të Bashkuara dhe organizatave të tjera të rëndësishme ndërkombëtare, ku ka kërkuar më pas që Madagaskari ta njohë pavarësinë e Kosovës dhe që të dy vendet të thellojnë bashkëpunimin.
Nga ana e tij, Amido ka falënderuar Veselin për pritjen. Ai ka vlerësuar progresin e bërë në Kosovë dhe ka shtuar se do të përcjellë kërkesën e Kosovës për njohje.
